درس عن جذوع الأشجار

2:19 م دعاء مجدي 0 Comments



السلام عليكم ورحمة الله وبركاته




انهردة حمزة خرج يلعب ع الرووف عادي جدا، بعد شوية دخل متحمس جدا وماسك ف إيده جزء من جذع شجرة 


 وبيقولي
- بصي يا ماما لقيت إيه؟ 
وأنا كأي أم مصرية أصيلة كان أول رد فعل عندي
- إيه ده؟ ده ممكن يعورك، روح ارميه ف الزبالة
وهو كأي طفل أصيل ولا كأنه سمعني ومكمل بحماس
- إزاي الجذع ده جه ع السطح عندنا؟ عارفة؟ ممكن الشجرة الكبيرة اللي جمبنا هو طار منها ووقع عندنا، ده حلو أوي!
ولقيته راح جاب الميكروسكوب بتاعه عشان يشوفه تحته


وهنا أنا قفشت نفسي بالجرم المشهود، وقلت لنفسي إيه الهبل اللي انتي قلتيه من شوية ده؟! وبصيت للموقف بصورة مختلفة تماما، وإنه فرصة رائعة للتعلم

فهمت حمزة انه الميكروسكوب ده بنقدر نشوف بيه أجزاء صغيرة جدا، مش هانقدر نحط تحته جذع الشجرة الكبير، وهو اكتفى انه طلع شريحة جاهزة كانت لخلايا جذع نبات القرع، وعمل الخطوات مظبوطة لحد ما ظهرت صورة الخلايا واضحة وادهالي اشوفها
" سابقا كنا اتعلمنا أجزاء الميكروسكوب وكيفية تشغيله والتعامل معه"

وفي هذه الأثناء كنت أنا بحاول اجمع أي حاجة في البيت تساعدنا في الدرس، جبت كتاب عن الأشجار، وشجرة قزمة كانت عندنا من فترة بس ماتت للأسف وكنت محتفظة بالجذع عشان نستكشفه وجاء وقته الحمد لله، وأوراق عشان أشرح بيها فكرة ما.








سألته تفتكر الشجرة بتكبر ازاي؟ وشبهناها بنفسنا
عرفنا انها بتكبر بطريقتين في نفس الوقت، الاطراف بتعمل خلايا جديدة تخليها تكبر بطريقة عمودية - تطول يعني - وفي نفس الوقت بتتكون طبقات من الخلايا حوالين الجذع فتكبره بطريقة أفقية - بتتخن يعني - ومثلت الموضوع ده بنموذج صغير ورقة ملفوفة على بعضها " موجودة ف الصور" ، وشفنا صورة الطبقات دي في الكتاب، 




وبحثنا عنها في جذع الشجرة اللي عندنا وشفناها على الحقيقة فعلا




سابقا كنا اتعلمنا أهمية الجذع انه بيثبت النبات في التربة وانه بيوصل الماء والاملاح من التربة لباقي اجزء النبات، 
المرة دي لقينا معلومة جديدة، وهو ان النبات بيتنفس كمان عن طريق الجذع! عن طريق غدد أو مسام اسمها 
Lenticels
وشفنا شكلها ف الكتاب، 



بعدين بحثنا عنها في جذع شجرتنا لقيناها واضحة جدا فعلا!




بعدين شفنا في الكتاب إزاي بيقطعوا الشجر عشان يصنعوا منه الخشب، 








حمزة أول ما شاف الخشب اللي ف الكتاب عينه لمعت وقالي
- إيه ده؟ ده زي الخشب بتاع الترابيزة دي!
وجري عليها يستكشفها وفعلا لقينا الدوائر والخطوط اللي بتمثل طبقات الجذع واضحة جدا فيها، وقعد يلمس كل جزء منها وكان في أجزاء ملساء وأخرى معرجة، ولقيته بيتحرك في كل الغرفة يدقق النظر في أي حاجة مصنوعة من الخشب عشان يميز الطبقات بتاعته، ترابيزة وكراسي وأرفف وألعاب، بعدها اتحرك في الشقة كلها لنفس الغرض.


هنا أنا وقفت اتفرج وعمالة افتكر الكلام اللي بأقوله للمتدربين في نهج منتسوري، وليه بنفضل الأثاث الخشبي والأدوات المصنوعة من خامات طبيعية، وليه بنفضل إن الطفل يكون له احتكاك مع البيئة الخارجية لأن ده اللي بيخلق فرص تعليمية مذهلة وبيقوي ملاحظته وانتباهه لكل اللي حواليه، وليه لازم نلاحظ اهتمام الطفل ونستغل اللحظات التعليمية اللي لا تقدر بثمن واللي لو وجهناها صح فالطفل هايكتسب خبرة عمره ما ينساها أبدا

وكمان قعدت افكر يا ترى كام لحظة زي دي ممكن اكون ضيعتها وانا مش واخدة بالي؟ المرة دي قدرت أقفش نفسي وأعترف بغلطي واتراجع عنه واصلح الموقف، لكن مش كل مرة ممكن ده يحصل، الموضوع محتاج تركيز وصبر ومجاهدة نفس وحاجات كتير مش بتيجي بسهولة، ومفيش ف ايدينا غير اننا نجتهد وندعي ربنا يوفقنا ويحفظ اولادنا وفطرتهم السليمة المحبة للاستكشاف والتعلم.



على اليمين نموذج لجذع الشجرة حمزة عمله بنفسه بدون توجيه مني، جاب ورقة و قصها على شكل الجذع ورسم الخطوط بتاعته بالرصاص ولونه باللون البني، وعلى الشمال شكل الورقة الملفوفة اللي كنت باشرح بيها فكرة تكون الطبقات

درس عن الهيكل العظمي + ملف لطباعة صور النشاط

2:10 م دعاء مجدي 0 Comments



السلام عليكم ورحمة الله وبركاته



في درس الهيكل العظمي
تعرفنا على مسميات :

الجمجمة، القفص الصدري، العمود الفقري، عظام الحوض، لوح الكتف، الترقوة، الذراع، اليد، الفخذ، الساق، القدم

تعرفنا على أهمية الهيكل العظمي فهو يساعدنا على الانتصاب والحركة، ويحمي اعضائنا الداخلية. 




وتعرفنا على كيفية تصوير العظام في المستشفى باستخدام الأشعة السينية x-rays 

قام حمزة بفك مجسم الهيكل العظمي وتركيبه، مطابقته مع الصور ومع الأشعة 




سنكرر المعلومات على مدار الأيام القادمة ان شاء الله مع بعض التطبيقات الفنية. 
تابعونا 


- الهيكل العظمي قمت باستعارته من صديقة لي، وهو موجود بمكتبة جرير
- صور الهيكل والأشعة صممتها بنفسي، يمكنكم تحميلها من هنا


درس عن النحلة

2:04 م دعاء مجدي 0 Comments






السلام عليكم ورحمة الله وبركاته
إليكم الأنشطة التي قمنا بها في درس


التعلم عن النحلة...🐝🐝





- تعرفنا على تصنيفها، هي من الحشرات ضمن اللافقاريات.

- استخدمت مجسم النحلة للتعرف على شكلها. 🐝
تتميز الحشرات بصفات تشريحية مشتركة، حيث ينقسم جسمها لثلاث مناطق : رأس، صدر، بطن
ولها 6 أرجل وقرني استشعار
أيضاً لديها اربع أجنحة، وخرطوم لمص الرحيق🌻، وإبرة بنهاية بطنها تلسع بها عند الشعور بالخوف.


- قرأنا كتاب "كيف تصنع النحلة العسل؟"، ثم شاهدنا فيديوهات تعليمية على يوتيوب، أفضلها الموجود بهذا الرابط:

- استخدمنا مجسمات توضح دورة حياة النحلة، تعرفنا كيف تصنع العسل وأهميته للإنسان وللنحل، كيف يتواصل النحل مع بعضه، أنواع النحل داخل الخلية : ملكة وشغالات وذكور.

- قرأنا كتاب "من أين يأتي العسل؟" حيث أشار لخلية النحل بتكوينها الهندسي البديع، شرحنا أهمية الشكل السداسي في خلية النحل، قمنا ببناء خلية باستخدام مكعبات الأنماط، 





ثم قمنا بتكوين الشكل السداسي باستخدام مثلثات البناء



- وأخيراً العمل الفني، نحلة من الصلصال 🐝




بعض الأفكار استلهمتها من صفحة صديقتي المبدعة آية اسماعيل ، انصحكم بمتابعة صفحتها هذه Mohamad's School - مدرسة محمد

- أفكار أخرى:
- اناشيد عن النحلة انتاج قناة سنا الفضائية
نشيد النحلة
نشيد نزهة نحلة

- مقارنة العسل والماء من حيث الكثافة واللزوجة بتجربة عملية، وربطها بعملية تكثيف رحيق الأزهار ليصبح عسلا

- دراسة استخدامات شمع العسل وفوائده

فهرس أنشطة منتسوري من الولادة وحتى عامين

10:59 م دعاء مجدي 0 Comments

السلام عليكم ورحمة الله وبركاته



خطواتي مع "عمر" - مواليد 12/2016:


- استعدادًا للمولود الجديد على نهج منتسوري

- الألعاب المعلقة في الشهور الأولى للطفل

سأستكمل توثيق باقي خطواتنا قريبًا إن شاء الله، وإلى ذلك الحين تجدون أنشطتنا على انستجرام هنا


خطواتي مع "حمزة" - مواليد 03/2013:



- ألعاب و انشطة حمزة - سن 12-18 شهر ... الجزء الثانى

-  ألعاب و انشطة حمزة - سن 12-18 شهر ... الجزء الثالث

- ألعاب و انشطة حمزة - سن 12-18 شهر ... الجزء الرابع

ألعاب و انشطة حمزة - سن 12-18 شهر ... الجزءالخامس و الأخير











تدوينات عامة:


- قائمة ألعاب مناسبة لطفل سن 3-12 شهر

- قائمة ألعاب مناسبة لطفل سن 12 - 24 شهر

- قائمة أنشطة مقترحة للطفل سن 12 - 24 شهر

- كيفية تقديم ألعاب البازل للطفل بترتيب صحيح


مقالاتي على موقع إضاءات:


- أنشطة منتسوري منذ الميلاد وحتى 12 شهر

- أنشطة منتسوري من 12 حتى 24 شهر


محاضرات مجانية على موقع أكاديمية عقول:


- دورة منتسوري منذ البداية

إجمالي مرات مشاهدة الصفحة