تعديلات منتسورى للحمام Montessori bathroom
اتكلمنا فى التدوينات السابقة عن
و بدأنا بــ
و انهردة ان شاء الله هانكمل عن الحمام
.
.
.
.
.
الحمام هانضيف عليه بعض الاضافات اللى تخليه مناسب و سهل ان الطفل يستخدمه بنفسه
الطفل بيستخدم الحمام ف ايه ؟؟
1- بيستخدمه زى الناس ^_^
- مرحلة تدريب الطفل على البوتى بتبدأ من سنة و نص و حتى ثلاث سنوات على حسب استعداد الطفل
و وضحنا ليه فى الموضوع ده
ف ممكن لما يبدأ المرحلة دى نحط له البوتى بتاعته ف الحمام عشان يرتبط عنده المكان ده بالموضوع ده
و لما يكبر شوية بينتقل للمرحلة الاكبر
و دى ممكن نعدلها
عشان يقدر يستخدمها بنفسه
زى كده
و ماننساش طبعا نعلمه استخدام المياه او المناديل
.
.
.
2- بيستخدمه فى غسيل الايدى و الوجه
- و اتكلمنا قبل كده عن كيفية تعليم الطفل غسل ايديه فى الموضوع ده
ف إما اننا نخصص له ركن خاص بغسيل ايديه زى كده
او اننا نسهل له استخدام الحوض العادى بتاعنا زى كده
لو هيستخدم الصابون يبقى نوفر له صابونة صغيرة مناسبة لحجم ايده
او لو يستخدم الصابون السائل بيكون اسهل
و ماننساش ان تكون الفوطة بتاعته فى مستوى طوله
و نكون موفرين له فوط نظيفة فى مكان يقدر يوصله بنفسه بسهولة و نعرفه انه يحط الفوطة اللى مش نظيفة فى باسكت الغسيل
.
.
.
3- بيستخدمه فى تنظيف الاسنان
- و اتكلمنا قبل كده عن كيفية تعليم الطفل تنظيف اسنانه بنفسه فى الموضوع ده
ف إما اننا نزود ادوات تنظيف الاسنان مع ركن غسيل الايدى اللى قلنا عليه فوق
او نسهل عليه استخدام الحوض العادى بتاعنا
.
.
.
4- بيستخدمه فى الاستحمام
ممكن نخليه يساعدنا فى تحضير الحمام زى مثلا يحط الصابون فى المية
لازم نوفر له الامان اما اننا نستخدم السجادة المانعة للانزلاق فى البانيو لو هو كبير شوية وهانسيبه يلعب لوحده
او لو صغير .. الفكرة دى سهلة عوضا عن انها مبتكرة ههههههه
و على فكرة وقت الاستحمام بيكون وقت مفيد جدا للتعلم و اللعب ف نفس الوقت
و هانزلكم انشطة كتير ان شاء الله للوقت ده
.
و هانزلكم انشطة كتير ان شاء الله للوقت ده
.
.
.
5- تنظيف الحمام
ده بيكون من باب الشعور بالمسؤلية و من باب انكم تثقوا فى قدراته و تعتمدوا عليه
ممكن نعلمه انه بعد ما يخلص استخدام الحمام لو الارض كانت مبلولة ينشفها مثلا
او يمسح المرايا او الازاز
يعنى هى حاجات ممكن تكون بسيطة ف نظركم بس ليها تأثير نفسى كبير
.
.
.
.
.
و اولا و اخير لازم تكونوا قدوة للطفل و يشوفكم بتعملوا الحاجات دى
يشوفكم بتغسلوا ايديكم قبل و بعد الاكل
و بتغسلوا اسنانكم
و بتسيبوا الحمام نظيف و مرتب بعد الاستخدام و هكذا
.
.
.
.
لمعرفة اهمية سلسلة " حتى يكون المنزل ملائم للطفل "
برجاء قراءة هذا الموضوع
.
.
.
.
.
الى هنا تنتهى تدوينة اليوم
اسعد بتعليقاتكم و مشاركاتكم
تابعونى :)
