الفطام على طريقة منتسورى Montessori weaning

3:11 ص دعاء مجدي 0 Comments

فى التدوينة السابقة .. اتكلمنا عن
ذكرت فيها معلومات مهمة و بعض المبادىء لفطام منتسورى
و وعدتكم انى هانزلكم الفطام على طريقة منتسورى ان شاء الله
و ها انا ذا أوفى بوعدى لكم :)

.
.
.
الادوات المطلوبة لانشاء ركن خاص بمرحلة الفطام فى المنزل :

1- هنختار مكان محدد فى المنزل لبدء عملية الفطام ، افضل اختيار هو المطبخ .. لان مصدر المية قريب و الارض يسهل تنظيفها ..
و اهملية الخطوة دى ان الاطفال تحت سن 3 سنوات بيكون عندهم حب و تقدير للنظام و الروتين ، و ان يكون كل حاجة ليها مكان و وقت مخصص ليها 

.
.
.
2- هنحتاج ترابيزة و كرسى فطام .. و دول ممكن نشتريهم او نعملهم بنفسنا
و ناخد بالنا ان ترابيزات و كراسى الاطفال العادية اللى موجودة ف السوق دى مصممة لسن اكبر من تلات سنوات
لكن ترابيزة و كرسى الفطام بيبقوا قصيرين جدا للارض بحيث ان الطفل اللى لسة بيزحف بيقدر انه يسند عليهم و يقعد بنفسه و تكون الترابيزة فى مستوى مريح بالنسبة له

و فى فكرة حلوة
انكو تجيبوا الكرسى و الترابيزة بتوع الاطفال العاديين دول
و تقصوهم من تحت تخلو الكرسى بطول 14سم و الترابيزة بطول 32سم
ف تبقى مناسبة للفطام


الفكرة دى شفت أم طبقت الموضوع ده فعلا 

و دى بعض الاشكال



.
.
.
3- مجموعة من الاوانى الزجاجية لتقديم الطعام الطفل

" لا شك ان هناك أعين و أفواه انفتحت عن اخرها الآن .. معلنة انى بالتأكيد أمزح أو انى جننت ^_^ .. و لكن احذروا ماذا ؟ أنا جادة ! ^_^ "

لازم نغير مفهومنا عن عدم استخدام الزجاج مع الاطفال .. لانها تنكسر ، و هى دى النقطة اللى احنا عايزينها فى منتسورى ! انها تكون بتنكسر ... لان ده بيسهل على الطفل ادراك الخطأ لما يوقع او يرمى حاجة و تنكسر ، فيفهم ان التصرف ده غير صحيح و مايكررهوش و يتعامل مع الحاجة بحرص و تقدير اكبر ، على عكس البلاستيك اللى مهما تعامل معاه و رماه مش بيحصله حاجة ف مش بيشوف اى نتيجة غير مقبولة لتصرفه

بس طبعا لازم نتعامل مع موقف الكسر بحكمة .. و بدل ما نزعق للطفل و نقوله انا هالاحق عليك كوبايات و اطباق منين و الكلام ده
هانتعامل بهدوء جدا و نقوله مثلا .. " شفت الطبق اتكسر ازاى لما وقع على الارض ؟ ممكن تساعدنى ننظفه دلوقت ؟ "

و الكوب بردو بيتعلم يشرب من الكوب الزجاجى على طول مش من الكوب البلاستيك المخصص للاطفال ده
و يفضل تجيبى كذا كوباية شبه بعض عشان لما الطفل يتعود يشرب فى شكل معين بعدين تتكسر يلاقى زيها



.
.
.

4- ملعقة صغيرة مخصوصة للفطام - و لو شوكة و سكينة يبقى تمام اوى ^_^ - .. و دى بتكون اصغر من معلقة الشاى 
عشان يكون حجمها مناسب لفم و ايد الطفل  





.
.
.
5-  مجموعة من الاوانى و الكوبايات المصنوعة من الزجاج او البورسلين او لو مش قادرين تستحملوا فكرة الحاجة اللى بتتكسر ممكن تستخدمو اوانى خشبية 
و دى بنحتاجها لما الطفل يكبر شوية و يكون قادر انه يحضر مائدته بنفسه 





و يمكنكم مشاهدة مجموعة متنوعة من ادوات الفطام على طريقة منتسورى على صفحة هذه الشركة
6- و اخيرا هنحتاج " بافتة " - معرفش بالفصحى يبقى اسمها ايه هههههه - و تكون من النوع اللى بيتقفل بكاوتش على الكتف كده عشان هانعلم الطفل انه لما ينهى طعامه يخلعها بنفسه ف تبقى سهلة عليه


.
.
.

كيف نبدأ ؟؟

الحاجات اللى انا هاقولها دى مش لازم تتنفذ بالحرف طبعا ، كل طفل و كل عائلة و ليها ظروفها و كل واحد بيختار اللى يناسبه و اللى يشوفه انه ملائم لطفله و يزود خطوات من عنده او ينقص مش مشكلة .. المهم المبدأ العام يكون واضح و هو اننا كل غرضنا ان الطفل يتأقلم مع الحياة و يتعلم يعتمد على نفسه و يشعر بالاستقلالية
.
.
.

1- اول ما الطفل بيقدر يقعد و يوازن نفسه بنبدأ نعوده على الاكل على الترابيزة بتاعته فى مكان و معاد محدد كل يوم



2- بنسمح له انه ياكل بنفسه كلما امكن بجانب اننا بنأكله و مع التكرار و التمرين هايتعلم



3- بنعلمه يشرب من الكوب

ده فيديو لنفس الطفل عنده 6 شهور بيتعلم يشرب لوحده


و ده فيديو لبنت عندها 9 شهور بتاكل و تشرب من الكوب بنفسها
و لاحظوا والدها بيتعامل ازاى معاها


4- بنعلم الطفل كيفية ترتيب ادوات المائدة

 و بيرتبها لوحده بعد كده

و بنكون مجهزين له ادواته فى مكان يقدر يوصله زى كده مثلا





5- بنعلم الطفل كيفية صب السوائل - و ع فكرة ده تمرين فعلا من دروس الحياة العملية ف منتسورى - عشان يقدر يصب الماء لنفسه 


الكلام ده كله بيكون فى وقت منفصل عن وقت طعام الاسرة عشان نقدر ننتبه للطفل و نتعامل معاه كويس
و لما يجى وقت طعام الاسرة .. بردو بنخلى الطفل يشارك عن طريق كرسى طعام عالى بيقدر الطفل يطلع و ينزل من عليه بنفسه زى ده
الطفل اللى ف الصور ده عنده سنة و اربع شهور

و دى اشكال تانية لكراسى اطفال بنفس الفكرة
.
.
.

يمكن الموضوع يبدو متعب و مكلف فى البداية
بالنسبة للتعب .. اعتقد ان النتيجة تستحق ، و يوم مانشوف طفل عنده سنتين بيقدر يجهز مائدته بنفسه و ياكل و يشرب بنفسه من غير ما يبهدل الدنيا هاننسى اى تعب 
و بالنسبة للتكلفة .. انا عارفة انكم شاطرين و قادرين على ايجاد بدائل فعالة و بتكلفة مناسبة
.
.
.

شاركونى تجاربكم و آرائكم و اقتراحاتكم فى التعليقات
و تابعونى فى تدوينات قادمة ان شاء الله :)
.
.
.
المصادر Sources

إجمالي مرات مشاهدة الصفحة