2- تمرين البرج الوردى The pink tower exercise

7:09 م دعاء مجدي 0 Comments

تمرين البرج الوردى هو أحد تمارين التعليم الحسى فى مدرسة منتسورى
و هو مخصوص بتطوير حاسة البصر عند الطفل

مناسب للطفل بداية من 3 سنوات فيما فوق
.
.
.
تكوين الأداة :


1- عشرة مكعبات خشبية وردية اللون يتراوح حجمها بين 1سم مكعب الى 10 سم مكعب مختلفة ف الابعاد الثلاثة " الطول و العرض و الارتفاع "
2- سجادة صغيرة لتحديد منطقة اللعب و عدم تناثر القطع ف الغرفة
3- حامل البرج حيث يمكن للطفل رؤية البرج من جهات مختلفة بعد بناؤه

.
.
.
دى طريقة تقديم التمرين التقليدى للطفل


1- نفرش على الارض السجادة الصغيرة المخصصة للعب عشان نحدد منطقة اللعب و لا تتناثر القطع ف الغرفة

2- نضع المكعبات متفرقة عليها

3- نورى الطفل ازاى نبنى برج من المكعبات بداية من اكبر مكعب حتى اصغر مكعب
4- القطع الكبيرة نمسكها بإيدين







 لكن القطع الصغيرة يحاول الطفل يمسكها و يضعها بإيد واحدة حتى يصل الى المكعبات الصغيرة جدا يمسكها بثلاث اصابع فقط



5- بعد بناء البرج يزيله قطعة قطعة بنفس طريقة حمل المكعبات السابقة و يضعها بالترتيب جمب بعض على السجادة

.
.

و دى طرق تانية للاستفادة من التمرين



1- نفرش على الارض السجادة الصغيرة المخصصة للعب عشان نحدد منطقة اللعب و لا تتناثر القطع ف الغرفة

2- نزيل مكعب مكعب و نضعهم بالترتيب جمب بعض على السجادة


3- نمسك اصغر مكعب و نضعه مرة على كل مكعب اكبر منه مع الاشارة باصبعنا دون كلام حتى يلاحظ الطفل ان كل مكعب يكبر عن الذى قبله بمقدار يعادل المكعب الصغير

" الخطوة دى لما الطفل بيعملها بنفسه .. هايقدر يكتشف بنفسه اذا كان فى خطأ فى ترتيب المكعبات او لأ .. دون اى مساعدة خارجية من احد "



4- ناخد اصغر مكعب و اكبر مكعب و نقوله 
ده صغير ... ده كبير 
و نكررها

بعدين نسأله فين الصغير ؟ ... فين الكبير ؟
و بعدين نسأل
ده ايه ؟ ... و ده ايه ؟

" الخطوة دى من دروس اللغة انه بيتعلم ينطق و يتعلم معنى الكلمة اللى بينطقها "


5- ناخد تلات مكعبات و نقوله
ده كبير ... ده اكبر ... ده الاكبر 

و نكررهم
و نعيد نفس الدرس السابق

" الخطوة دى بتعلم الطفل المقارنة بين الاجسام ، وناخد بالنا ان لما الطفل غلط ما قالتلوش لا غلط ... لان ده بيهز ثقته بنفسه .. هى فقط اعادت وصف المكعبات تانى ببساطة و الولد فهم و ماتلخبطش تانى "

6- فى نهاية الفيديو هى عرضت بدائل اخرى للبرج الوردى متوفرة كتير فى محلات لعب الاطفال
للاطفال الاصغر سنا






.
..
.


.
.
.

فائدة التمرين :

1- تدريب العين على ادراك ابعاد الاجسام عن طريق النظر فقط

2- تدريب عضلات اليد على الحركة الدقيقة اثناء وضع المكعبات فوق بعضها دون سقوطها و هو يعتبر تمرين لما قبل الكتابة

3- تدريب عضلات الجسم كافة فى الحركات المطلوبة اثناء انتقال الطفل بين البرج  و بين سجادة اللعب

4- تقوية التآزر العضلى-البصرى عند الطفل

5- تمرين للحساب اذا استخدمناه بهذا الشكل


.
.
.

بعد اتقان الطفل للتمرين بالطرق المذكورة اعلاه يمكننا الانتقال الى ابداعات اخرى فى تنفيذ التمرين مثل هذه الفكرة




هنا قمنا بقص ورق ابيض بنفس الحجم و هو حجم اكبر قليلا من حجم اكبر مكعب فى البرج
ثم قص ورق بلون وردى باحجام العشر مكعبات فى البرج
ثم لصقها فوق بعض
و مطلوب من الطفل انه يطابق المكعبات مع الاشكال المساوية لها

.
.
.
وهذه اشكال اخرى لنفس التمرين






.
.
.
ثم يمكننا بعد ذلك ان نرفع مستوى الصعوبة و التحدى
بأن يقوم الطفل بأداء التمرين و هو معصوب العينين






.
.
.
و الابداع مفتوح للطفل ليقوم بتكوين الاشكال التى يرغبها مثل




.
.
.

الى هنا تنتهى تدوينة اليوم
اتمنى انكو تكونوا استفدتم 
و اسعد باستقبال تعليقاتكم و استفساراتكم
.
.
.
و ماتنسوش تشوفوا التمرين السابق
تمرين الاسطوانات ذات المقبض
اضغط هنا

و لمعرفة المزيد عن التعليم الحسى فى مدرسة منتسورى

إجمالي مرات مشاهدة الصفحة